Menu
Mælkebøtteni meeqqanut inuuniarnermikkut ajornartorsiortunut paasiniaaviuvoq pinasuartumillu inissiiviusinnaalluni. Ulloq unnuarlu immikkoortortaqarfik Mælkebøttecenterip Ataatsimoortarfiata qulaaniippoq igaffeqarluni – assigiinngitsunik suliaqarfiulluni, ineqarluni, init unnuiffissaqarluni allaffeqarlunilu. Ulloq unnuarlu immikkoortortaqarfik meeqqanut unnuisussanut qulingiluanut inissaqarpoq illullu ilaani eqqissisimanarnerusumiilluni, taanna angerlarsimaffinnut nalinginnaasunut eqqaanartuuvoq.
Uagutsinnut pingaaruteqarpoq inuunermi nuannersunut siaarsimaarnissamullu inissaqartitsinissaq, aammali pisut ilaanni nipaallisimaartarnissamut, isumassuinissamut isumatusaartarnissamullu. Mælkebøttenimi meeqqat inooqataasinnaanermikkut tarnikkullu paasiniaavigineqarnissartik pillugu inissinneqarsimasunut meeqqap attavigisartagai suleqatigisarpagut meeqqap tamakkiisumik aaqqiivigineqarnissaa siunertaralugu, atuarfiit, sunngiffimmi ornittakkat, angajoqqaat isumaginninnermillu ingerlatsiviit.
Mælkebøtteni paasiniaaviummat meeqqat nalinginnaasumik qaammatini 6-9-ni sivisussusilimmik inissinneqartarput. Tassani meeqqat pisariaqartitaat nalilersorneqartarput taakkulu aallaavigalugit meeqqat ingerlariaqqiffissaannik aqqutissiuunneqartarput.
Siunertaasarpoq meeqqap arlaatigut ingerlariaqqinnissaa, ingerlariaqqiffillu taanna meeqqap aggerfianit pitsaanerusariaqarpoq, meeqqallu ilitsoqqussaminnik allannguinissaannut aallartitsissutissaasinnaavoq.
