Innersuussineq

Mælkebøttecenterip ulloq unnuarlu paaqqinnittarfia inunnik perorsaanikkut angerlarsimaffittut neqeroorutaavoq meeqqanut inuusuttuaqqanullu 0-17-inut ukiulinnut inuuniarnikkut peqquteqartumik angerlarsimasinnaanngitsunut.

Isiginiakkat

Isiginiakkat meeraapput ikorfartorneqarnissamik, isumassorneqarnissamik aaqqissuussaanermillu pisariaqartitsisut. Mælkebøttenip, Ilasiap Allulu meeqqat tigusartagaat sumiginnagaasimapput, innarlerneqarsimallutik allatigullu kingunerlutsitsisuullutik, taamaalillutillu misigissutsitigut, ineriartornikkut inooqataanikkullu ajornartorsiuteqartuullutik.

Meeqqat allanut atassuteqarsinnaanertik attaveqarsinnaanertillu ineriartortissavaat, ilaatigummi susassareqatigiinnermik suliaqarneq atorneqartarpoq. Malunnarpianngitsumik allanngortoqartarpoq, taamaattumik innersuussinnginnermi meeqqat ataasiakkaat nalilersorneqartarput  innarlersimanerisalu annertussusaat misissorneqarluni. Inunnik perorsaanermi avatangiiserineqartussat meeqqat pisariaqartitaannik matussusiisinnaanersut isiginiarneqartarpoq.

Meeqqat inuusuttullu isiginiakkat avataanniittut tassaapput:

  • Meeqqat inuusuttullu aanngajaarniutinik atornerluivissortut
  • Meeqqat inuusuttullu ulluinnarni nakuusernermik takutitseriaaseqartartut
  • Meeqqat inuusuttullu tarnimikkut annertuumik nappaatillit
  • Meeqqat inuusuttullu annertuumik imminnut pingaartinnermik akornutillit
  • Meeqqat inuusuttullu annertuumik ineriartornermikkut akornutillit, soorlu autismellit eqqarsartaatsimikkulluunniit kinguarsimasut
  • Meeqqat inuusuttullu timimikkut innarluutillit

Ulloq unnuarlu akigititat:

(atuutilerfia 01.01.-31.12.2024)

Meeqqamut inissitamut ataatsimut 3.700,-

Meeqqanut angerlarsimaffiup avataanut inissitanut immikkut tapiissutit – immikkut tiimimut akigititallit

  • Mælkebøttecenterimi sulisunit nakkutigineqarlutik ilagineqartartut 700,- koruunit
  • Nakkutiginnilluni ilaqareernermi nalunaarusiorneq 700,- koruunit
  • Inissiigallarneq suliniutigineqartillugu illu ulikkaaqqagaangat tigusisoqarneq ajorpoq, uunga mailertoqassaaq info@mb.gl

Immersugassaq uani immersoruk

Inissiinissamut qinnuteqaat
Akuersissummik nalunaarut
Ikiorsiissutinut katalogi