Siunertaq tunngaviusumillu pingaartitat

Mælkebøttecenterip siunertaa, pingaartitai takorluugaalu

Mælkebøttecenterimi paaqqinnittarfinni siunertat pingaarnerit tigussaasullu ilaat tassaapput:

  • Allannguisinnaasunik pilersitsinissaq
  • Imminut toquttarnermik pinaveersaartitsineq
  • Kinguaassiutitigut atornerluinermik pinaveersaartitsineq
  • Inuusuttuni pinerluttarnermik pinaveersaartitsineq

Meeqqanik nukittorsaaqataavugut, taamaalillutik ulluinnarni inuunertik ingerlassinnaalissammassuk aammalu ilutsit inuuffigisatik allanngortissinnaaniassammatigit.

Siunertanut pingaarnernut ilaavoq meeqqat inuusuttullu sumiginnarneqarsimasut atugaannik pitsanngorsaanissaq, taamallu sumiginnarneqarnerup qaavatigut sumiginnaaneq pinaveersaartillugu. Suliniuteqarnerit ilaatigut peroriartorfimmit kingornussat peqqinnanngitsut allanngortinnissaannut kinguneqartussaapput.

Taaguutit pingaarutillit meeqqanut tunniukkusutagut tassaapput:

Toqqissisimaneq

Meeqqat asanninnermik, toqqissisimanermik, aalaakkaasunik siumullu naatsoruminartunik sinaakkuteqarnissaq

Peqatigiinneq

Meeqqat misigissavaat allanut pingaaruteqarlutik pinngitsoorneqarsinnaanatillu.

Kinaassuseq

Meeqqat inuusuttuaqqallu piffissat ilaanni artornartunik atugaqarsimanerisa ammaffiginissaanik akuersaarnissaanillu pilersitsinissaq.

Tatiginninneq

Meeqqat inuusuttuaqqallu inersimasunik tatiginnilernissaannik inersimasunillu ikiortissarsiortuaannarnissaminnik tunngaviusumik tatiginnilissasut

Akuersaarneq

Meeqqat inuusuttuaqqallu namminneq pisariaqartitaminnik kissaatiminnillu takutitsinermikkut ulluinnarni inuunerminni sunniisinnaanerminnik periarfissinnissaat.

Akisussaaffik

Meeqqat akisussaaffimmik tigusisinnaanermik ilinniarnissaat, isumaqatigiissutinik piviusunngortitsisarnissaat tassaassallutillu tatiginartut kammalaataalluartullu.

Tunngaviusumik pingaartitat

Mælkebøttecenterimi sulinermi oqaatsit pingaarutillit tassaapput:

  • Oqaloqatigiinneq
  • Inuttut ataqqeqatigiinneq
  • Ajornartorsiutinik qaangiiniarsinnaaneq

Meeqqat ilinniartinniarsarisarpagut persuttaanatik oqaatsiminnik atuisalernissaannik – assersuutigalugu Mælkebøttecenterip immikkoortortaani pimmatiginninneq inerteqqutaavoq, meeqqallu akornanni ajornartorsiutinik qaangiiniartarneq sulissutigineqartupilussuusarpoq. Mælkebøttecenterimimi kikkut tamarmik inissaqartussaapput. Tassani inersimasoqarpoq timikkut tarnikkullu qanilaartuunermikkut tatiginnissinnaanermik pilersitsisinnaasunik, isumassuisinnaasunik, kiisalu oqalunnissaminnut, tusarnaarnissaminnut nuannisaqataanissaminnullu piffissalinnik.

Pamersaanermiipput meeqqat inuusuttuaqqallu sumiginnarneqarsimasut immikkut pisariaqartitaannik isiginiagaqartarneq.

Meeqqat inuusuttuaqqallu sumiginnarneqarsimasunut immikkut pisariaqartitat isiginiarneranni pingaartitat tassaapput:

  • Qanilaarneq
  • Isumassuineq
  • Aaqqissuussaasumik ingerlaneq
  • Siumut naatsorsoruminassuseqarneq
  • Tatiginarneq
  • Tatiginninneq
  • Inummik tusarnaarsinnaallunilu paasinnissinnaasoqassasoq

Meeqqat Mælkebøttecenterip Ornittagaanut nukissaqarluartut takkuttarput peqataasarlutillu. Meeqqat nukissaqarluartut paasissavaat meeqqat tamarmik inuuniarnikkut ajunngitsumik atugaqartuaannanngitsuummata atugarliortunullu qajassuussisarnissartik paasissallugu, aammalu kammalaataalluarneq iluaqutaasarmat.   

Mælkebøttecenterimi anguniakkat nalinginnaasut takorluukkallu:

  • Suliniuteqarnigut nalinginnaasumik peroriartorfimmit inooqataanikkut tarnikkullu kingornussanik allanngueqataassapput.
  • Mælkebøttecenteri meeqqat pigissavaat meeqqallu qitiussapput.
  • Paaqqinnittarfiit “ilaqutariit angerlarsimaffinnut assingusuussapput”.
  • Tamanut inissaqartitsillunilu akuersaartuussaaq.
  • Ingerlaavartumik ineriartussaagut pisariaqartitaasunullu tulluarsartassalluta.
  • Angerlarsimaffimmi nuannisarneq toqqissisimanartuussaaq avatangiisinilu aaqqissuussaasuni pilersitsisinnaasoqassaaq piareersaaqqaaranilu iliuuseqartoqarsinnaassalluni.
  • Suliniut piujuaannartitsisinnaasumik ineriartornertut iluseqassaaq, taannalu allani atorneqarsinnaassalluni.

Mælkebøttecenterimi anguniakkat aalajangersimasut takorluukkallu:

  • Meeqqat ajornartorsiutinik qaangiiniarnermi sakkussanik ilinniarnissaminnut neqeroorfigineqartassapput.
  • Meeqqat angajoqqaaminnut angerlarsimaffimminnullu attaveqarnertik ingerlatsiinnassavaat.
  • Meeqqanut isumaqatigiissutinik eqquutsitsisarnerup eqquutsitsinngitsoortarnerullu kinguneqartarnerannik takutitsisarneq.
  • Inuit akornanni pisussaaffiliisarnerup naatsorsuuteqartarnerullu nalinginnaasuuneranik sinaakkusiisarneq pilersinneqartassasoq.
  • Meeqqat inuusuttuaqqallu akuerineqarneq nersorneqartarnerlu misigisassavaat taamallu imminnut naleqartinnertik tatiginertillu nukittorsassallugu.
  • Meeqqat inuusuttuaqqallu tunngaviusumik inersimasunut tatiginnilersinnaassapput.
  • Sumiginnaaneq sumiginnaanerillu malitsigisaanik innarlerneqarsimanerit millisarlugillu
  • Meeqqat inuusuttuaqqallu namminneq pisariaqartitaminnik kissaatiminnillu takutitsinermikkut ulluinnarni inuunerminni sunniisinnaanerminnik periarfissinnissaat.
  • Meeqqat inuusuttuaqqallu inuunermik imaqarluartumik inuuneqarnissaannik pilersitsineq.