Menu
Ataatsimoortarfik Najortigeeqatigiiffik Ullorissat iniuvoq arlaatigut sunniinianngitsoq, tassanilu meeqqap angerlarsimaffiup avataanut inissinneqarsimasup angajoqqaaminik / ilaquttaminik ilagisaqarnissaa pisarpoq.
Ataatsimoortarfiup meeqqap eqqissisimanartumik toqqissisimanartumillu ilaquttaminik angerlarsimaffippalaartumi ilagisaqarnissaminik pisariaqartitsinera isumagisarpaa.
Qatanngutigiit najugaqatigiinngitsut imminnut takuniarlutik aamma ataatsimoortarfimmiissinnaapput. Taakku angajoqqaatik ataatsimoornermiluunniit siunnersorti inersimasutut ikorfartortigalugit ilagisinnaavaat.
Isiginiarneqartut ilaqutariiupput angerlarsimaffiup avataanut ulloq unnuarlu paaqqinnittarfinnut angajoqqaarsianulluunniit inissinneqarsimasunik meerartallit inuusuttuarartallilluunniit.
Sullissisoq ataatsimooqatigiinnissamik isumaqatigiissusiortarpoq, taassumalu ataatsimooqatigiinnissat amerlassusaat qanorlu ittuunissaat allanngorartissinnaavai.
