Menu
Ilasiaq inooqataanikkut pamersaanikkullu meeqqanut inuusuttuaqqanullu inuuniarnermikkut atugarliortunut, inuuniarnikkullu peqquteqartumik angerlarsimaffimmiissinnaanngitsunut najugaqarfissatut neqeroorutaavoq.
Ilasiaq Mælkebøttecenterip ataani meeqqanut inuusuttuaqqanullu 3-12-it akornanni ukioqarlutik inissinneqartunut immikkoortortaavoq, arfineq-marlunnullu inissaateqarluni.
Mælkebøttenimi paasiniaavigineqareerlutik meeqqat aalaakkaasunik toqqissisimanartunillu sinaakkuteqartinniarlugit najugaqatigiiffimmi Ilasiamut inissinneqarnissaminnut neqeroorfigineqartarput, taannalu “ilaqutariinnut ataatsimoortunut assinguvoq” inersimasunik isumassuisoqarluni.
Meeqqalli aamma inooqataasinnaanermikkut paasiniaavigineqarsimanngitsut Ilasiamut inissinneqarsinnaapput. Ilasiami meeqqat tiguneqartartut sumiginnagaanermik, kanngutsaattuliorfigisaanermik allanillu kingunerlutsitsinernik tunuliaquteqarput, taakkulu aamma malitsigisaannik misigissutsikkut ineriartornikkut inooqataaniarnikkullu ajornartorsiuteqartarput. Inooqataanikkut pamersaanikkullu avatangiiserineqartut meeqqap pisariaqartitaannik isumaginninnersut isiginiarneqartarput.
