Menu
Allu inooqataanikkut pamersaanikkullu inuusuttuaqqanut inuuniarnikkut atugarliortunut inooqataanermilu pissuteqartumik angerlarsimaffimminniissinnaanngitsunut najugaqarfissatut neqeroorutaavoq.
Allu Mælkebøttecenterip ataani immikkoortortaavoq inuusuttuaqqanut inissinneqarnerminni 12-init 15-inut ukiulinnut neqeroorutaasoq arfinilinnullu inissaqartoq.
Mælkebøttenimi paasiniaavigineqareerlutik inuusuttut ilaat najugaqarfimmi Allumi aalaakkaasunik toqqissisimanartunillu sinaakkutilimmi najugaqarnissaannik neqeroorfigineqartarput, taannalu “ilaqutariinnut ataatsimoortunut assinguvoq” inersimasunik isumassuisoqarluni. Inuusuttuaqqalli aamma inooqataasinnaanermikkut paasiniaavigineqarsimanngitsut Allumut inissinneqarsinnaapput.
Allumi meeqqat tiguneqartartut sumiginnagaanermik, kanngutsaattuliorfigisaanermik allanillu kingunerlutsitsinernik tunuliaquteqarput, taakkulu aamma malitsigisaannik misigissutsikkut ineriartornikkut inooqataaniarnikkullu ajornartorsiuteqartarput. Inooqataanikkut pamersaanikkullu avatangiiserineqartut meeqqap pisariaqartitaannik isumaginninnersut isiginiarneqartarput.
Allumi inuusuttut annertoorujussuarmik katsorsagassat, tarnikkut napparsimasut, innarluutillit imaluunniit meeqqat atornerluinernik ajornartorsiutillit tiguneqarneq ajorput.
Allumi ilaatigut timimik aalatitsereernermi tarnikkut timikkullu peqqinneq nalerisimaarnerlu aallunneqartarput.
