Mælkebøttecenterip allaffiani aqutsisoq

Mælkebøttecenteri allaffissornikkut aqutsisumik misilittagaqarluartumik aningaasaqarnikkullu pisinnaasaqarluarnermigut allaffissornikkut nukittorsaasinnaasumik pissarsiorpoq.

Suliffik

Allaffimmi aqutsisutut pingaarnertut akisussaaffigissavatit suliffeqarfiup allaffissornikkut ingerlanneqarnera aningaasanillu aqutsineq. Aqutsisut qanimut suleqatiginerisigut qulakkiissavatit ingerlatsinerup pitsaassusissaa aningaasaqarnikkullu nakkutilliineq. Allaffimmi aqutsisoq pisortap ataaniippoq, immikkoortortaqarfiillu aningaasaqarnerisa sulisoqarnerisalu aqunneqarnerannut akisussaasuussallutit.  

Suliassatit pingaarnerit tassaassapput:

  • Allaffissornikkut sulialinnik aqutsineq
  • Aningaasaqarnerup pingaarnersaanik aqutsineq
  • Sulisoqarnikkut allaffissornermik ingerlatsineq ineriartortitsinerlu
  • Missingersuusiorneq, aningaasaqarnerup pilersaarusiornera missingersuutillu eqqortinnissaannik qulakkeerinninnissaq
  • Missingersuutit malittaralugillu naatsorsuutinik misissuinerit nakkutilliinerillu
  • Ingerlaavartumik aningaasaqarneq nalunaarsorlugulu misissortarnissaa
  • Siulersuisunut naatsorsuuserisumullu attaveqarnermi aningaasaqarnikkut atortut assigisaallu aaqqissuuttarnissaat
  • Suliffeqarfiup iluani ingerlatsinerit suleriaatsillu pitsanngorsarnissaat
  • Inatsisitigut piumasaqaataasut maleruarnissaannut qulakkeerinninneq
  • Sulisoqarnerup iluani suliassanik ataqatigiissaarineq, matuma ataaniillutik akissarsiat ineqarnerullu iluani allaffissornerit
  • Pisiniarfigisartakkanik sullitanullu isumaqatigiissutinik suliaqarneq
  • Pisortap qanimut suleqatigineratigut iliuusissat pileriartornerini atuutsitsilernissaq
  • Paaqqinnittarfinnik sullissineq, aammalu aqutsisunik allaffissornikkut, missingersuutinik aammalu naatsorsuutit tungaasigut ilitsersuillunilu siunnersuisarneq
  • Allaffimmi suliassat IT-qarnerullu iluani pingaarutillit akisussaaffigineri

Piginnaasat

  • Aningaasaqarnerup, allaffissornerup assigisaanilluunniit naleqquttumik ilinniagaqarneq
  • Allaffissornerup aningaasaqarnerulluunniit iluani aqutsinermik misilittagaqarneq
  • Misissuisinnaalluarneq kisitsisinullu pikkoriffeqarneq
  • Missingersuusiornermik aningaasanillu aqutsinermik misilittagaqarneq
  • IT-p iluani piginnaasaqarluarneq, matumaniillutik Exceli aningaasalerinermullu atortut
  • Aqutsilluarsinnaaneq suleqataalluarsinnaanerlu
  • Aaqqissuussaalluartumik namminersorlunilu sulisinnaaneq


Mælkebøttecenterimi Uniconta atorneqartarpoq – Unicontamillu misilittagaqaruit iluaqutaassaaq, piumasaqaataanngilarli.

Marluinnik oqaaseqarnissat, kalaallisut/qallunaatut, kissaatigisinnaavarput, piumasaqaataanngilarli.

Pinerlussimannginnermut meeqqanullu innarliisimannginnermut uppernarsaatit takutissinnaassavatit attatiinnarsinnaallugillu.

Atorfininninni suliassaqarfiup iluani inuttullu piginnaasanik ineriartortitsinissannut periarfissaqarputit.

  •  

Inuttut pisinnaasat

  • Iliuuseqarusussuseq aaqqiisinnaassuseqarnerlu
  • Allannikkut oqalunnikkullu attaveqarluarsinnaaneq
  • Akisussaaffeqarusussuseq aalajangiussimasanillu upperinnissinnaaneq
  • Eqaassuseqarneq suliassanillu assigiinngitsunik ataatsikkut suliaqarsinnaaneq


Allaffimmi aqutsisup suliassatigut pisinnaasaminik eqqumaffeqarnera naatsorsuutigineqarpoq – uani pineqarpoq suliassaqarfimmik paasisimasaqarneq ilisimasaqarnerlu, aammalu inuiaqatigiinni sinaakkutaasuni suliffeqarfiup inissisimaneranik paasisimasaqarneq – matumaniillutik pisortaaneqarfiup, allaffissornikkut suleqatigineqartartullu pisariaqartitaanik naatsorsuutaanillu paasisimasaqarneq.  

Mælkebøttecenterip pingaartitaanik, aqutsinermut iliuusissiaanik aammalu aningaasatigut, sulisoqarnikkut allaffissornikkut immikkoortortaqarfiillu pillugit sulisunik oqaloqateqartarnernik, sunneeqataatitsisarnernik peqataatitsisarnernillu tunngaveqartunik aqutsisinnaassuseqarneq. Naatsorsuutigineqarpoq allaffimmi aqutsisup erseqqaarissuullunilu nalunaatsuunissaa. Qulakkiissavaa suleqataaffigalugulu suleqatigiinnerup kulturia ukunannga ilisarnaatilik: oqaloqatigiittarneq, ineriartornissamut periarfissalik iliuuseqartarnermillu pingaartitalik.

Neqeroorutigaagut

  • Suliffeqarfimmi uummaarissumi atorfik soqutiginartoq unammillernartulillu
  • Inuttut suliaqarfiullu iluani ineriartornissamut periarfissat pitsaasut
  • Suliffimmi avatangiisit ajunngitsut isumassarsinartullu
  • Aningaasarsiat unammillerluarsinnaasut atorfininnermilu atugassarititaasut pilerinartut


Suliffiup kulturianik suliassatigullu ineriartornissamut annertuumik sunneeqataanissamut periarfissaqarluarpoq. Suliffik neqerooruterput unammillernartuuvoq aammalu pisortaaneqarfimmik najugaqatigiiffinnilu aqutsisunik suleqateqartarneq kinguneqarluarlunilu ineriartorfiulluni.

Pisinnaasat aallaavigalugit immikkut isumaqatigiissuteqarnikkut akissarsiaqartitsisoqassaaq.

Atorfimmut atatillugu sulisunut inissaqartitsisinnaavugut, tassani malittarisassat malillugit akiliutigineqassallutik depositumi, qaammammut akiliut il.il.

Mælkebøttecenteri

Mælkebøttecenteri ulloq unnuarlu paaqqinnittarfiuvoq imminut ingerlattoq aningaasaateqarfittullu nalunaarsorsimasoq. Inuit namminneq iliuuseqarnerisigut pilersitaavoq, siulersuisullu tassaapput Nuuk Rotary Klubimit, Lions Club Nuummit, Kalaallit Nunaanni Sulisitsisut Peqatigiiffiannit, Kommuneqarfik Sermersuumillu aallartitat. Siunertaavoq meeqqat inuusuttuaqqallu 3-nit 17-inut ukiullit angerlarsimaffiup avataanut inissinneqarsimasut sumiginnarneqarsimasullu inuunerminni atukkatigullu atugarissaarnerulernissaat, kiisalu sumiginnaaqqinnissamik pitsaaliuinissaq.

Mælkebøttecenteri pingasunik satellitiusanik pisuuvoq: Meeqqat Inuusuttullu Illuat Mælkebøtteni, tassanilu neqeroorutigineqartarput pinasuartumik inissiinerit aammalu meeqqanut inuusuttunullu eqqugaaratarsinnaasunut paasiniaaviulluni, kiisalu ornittagaq. Mælkebøttecenterimut ilaapputtaaq najugaqatigiiffik Ilasiaq najugaqatigiiffillu Allu, taakkunanilu meeqqat inuusuttuaqqallu eqqugaaratarsinnaasut aalaakkaanerusumik najugaqarsinnaapput. Katillugit meeqqanut inuusuttuaqqanullu 24-nut inissaqarpoq.

Taakku saniatigut Kapisilinni illoqarpugut Seqineq, allaffeqarfik aammalu tarnip pissusaatigut siunnersuisarfik. Mælkebøttecenteri annertunerusumik paasisaqarfigisinnaavat una atuarlugu: www.mb.gl

 

Qinnuteqaat

Qinnuteqaat, CV atuarsimanermut uppernarsaatit, paasissutissallu qinnuteqarnermut attuumassuteqarsinnaasut uunga nassiutikkit: info@mb.gl

Qinnuteqarfissaq kingulleq: 30.08.2024

Atorfik pillugu apeqquteqarusukkuit Pisortaq Nuka Fleisher oqarasuaammut 362106-imut attavigiuk.

Qinnuteqarnissannut qilanaarpugut!