Meeqqat iggaviannut meeqqat inuusuttuaqqallu tamarmik akeqanngitsumik neriartorsinnaapput. Meeqqat Iggaviat "Meeqqat Inuusuttuaqqallu illuanni Mælkebøtti"-miippoq. Nerisitsineq pisarpoq ataasinngornerit, pingasunngornerit tallimanngornerillu tamaasa.


Nerisassioqatigiinneq aallartittarpoq nalunaaqutaq 15.00, meeqqat inuusuttuaqqallu pilersaarusiornermut nerisassioqataanissamullu tikilluaqqusaapput. Nerisassiorneq Mælkebøttimi sulisut peqatigalugit ingerlanneqartarpoq. Nalunaaqutaq 17.00 nereqataarusuttunut sassaalliineq aallartittarpoq. Nittartakkami nerisassanut pilersaarutit ataani suut sassaalliutigineqassanersut takuneqarsinnaapput. Sassaalliutigineqartut tassaakkajupput igaat kissartut aammali ilaatigut iffioqatigiittoqartarpoq.

bfk

Aggusti 2014-imi Meeqqat Iggaviata ammarneqarnerani assilisaq

Sooruna Meeqqat Iggaviat pisariaqartinneqartoq?


2006-imi Meeqqat Inuusuttuaqqallu illuat Mælkebøtti ammarmalli maluginiarsimavarput meeqqat inuusuttuaqqallu takkuttartut ilaat, naammattumik nerisassaqarsimanatik perlilertartut. Meeqqat taakku angerlarsimaffimminni nerisassaqartuaannarsimanngillat. Meeqqat taakku perlileraangata Mælkebøttip ulloq unnuarlu angerlarsimaffittaani nerisassanik sassaalliinermi nereqataatinneqartarsimapput. Nalaattakkat tamakku ersersippaat Meeqqat Iggaviannik akeqanngitsumik sassaalliiffiusinnaasumik pilersitsinissaq pisariaqartinneqartoq. Misissuinerillu arlallit aamma takutimmassuk meerarpassuit kaattartut, ammaanissaq apeqqusersortariaqarsimanngilarluunniit.


Meeqqat Iggaviat aggusti 2014-mi ammarpoq, ammarneratalu kingorna sassaalliisoqarnerit tamaasa meeqqat inuusuttullu 15-20-illu akornaniittut nereqataasarput.