Meeqqat inunnik isumaginninneq aallaavigalugu Mælkebøttenimut inissinneqartut misissorneqartarput, inissinneqannginneminni nalilersuiffigineqareersimanngikkunik.

Tassani ulluinnarni qanoq qisuariartarnersut ullorsiutinut allattorlugit nassuiarneqartaramik. Meeqqat taamatut inissinneqartut tamarmik tarnip pissusiinik ilisimasalimmit misissorneqartarput, tamannali aatsaat pisarpoq angajoqqaat akuersisimappata. 

Misissuinerup siunertarisarpaa paasiniarlugu inuttut ajornartorsiutaat qanoq ittuunersut, sunillu immikkut ikiorneqarnissamik pisariaqartitsinersut, tassangaaniillu iliuusissat suut innersuutigineqassanersut paasineqartarpoq.