Ataqatigiissaarinissaq immikkoortortaqarfinnilu assigiinngitsuni ingerlatsinerit imminnut atanissaat qulakkerniarlugit Mælkebøttecenterimi allaffeqarfik suliassanik suliaqarfinnillu assigiinngitsorpaasuarnik suliaqartarpoq. Assersuutigalugu tassaasinnaapput ukiumoortumik nassuiaatit aaqqinnissaat suliarinissaallu, aningaasaliisut pillugit allattuiviup aningaasaliisullu pillugit allagartap nutarternissaat, suliffeqarfiup iluanit avataaniillu apeqquteqaatinik assigiinngitsunik akisineq, inissianik aqutsineq, illup iluani avataanilu ataatsimiinnerit amerlaqisut, nalinginnaasumik allaffissorneq, fakturat suliarineri, nutserinerit, pisianik misissuineq, akiligassanik akiliineq naatsorsuutinullu nalunaarsuineq, meeqqanik psykologimut innersuunneqartunik nalilersuineq sulisunillu ilitsersuinerit aamma pissaanermik atuinermut atatillugu nalunaarutinik misissuineq il.il.
Sulisunik allaffissornikkut aqutsineq
Paaqqinniffinni aqutsisut suleqatigalugit allaffeqarfik sulisussarsiornermik, atorfinitsitsisarnermi suliassanik, sulisut atorfininnerannik suliunnaarnerannillu suliaqartarpoq. Uani atorfininnermi isumaqatigiissutit inissianillu attartornermi isumaqatigiiissutit suliarineqartarput. Allaffeqarfiup aamma sulisunut nutaanut tamanik tunngasunik ilisimatitsarneq suliarisarpaa, paaqqinnittarfinnilu ataasiakkaani malittarisaqarnissamik aaqqissuussineq aaqqissuunneqartarpoq, tassani sulisut suliassat assigiinngitsut pillugit sulisunik nutaanik ilitsersuisarlutik.
Allaffeqarfimmi aamma HR-imi, piginnaasanik annertusaanermi, sulisunik aqutsisunillu ilitsersuineq suliarineqartarput, pisortallu tullia Kalaallit Nunaanni Sulisitsisut Peqatigiiffiat suleqatigalugu sulisut akissarsiaat atorfeqarnermilu atugassarisar pillugit isumaqatigiinniartarpoq. Aqutsisut sulisut quppersagaannik ineriartortitsineq nutarnerinerlu suliarisarpaat, sulisullu najoqqutassiat ilitsersutillu assigiinngitsunut atuutilersinneqarneranni peqataanissamik akissusaaffeqarput.